Neftçala rayon Mərkəzi kitabxanası

Neftçala rayon MKS
Xəbərlər
30 Yanvar , 2020

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədilə qərara alıram:

1. 2020-ci il Azərbaycan Respublikasında “Könüllülər ili” elan edilsin.
2.  Azərbaycan Respublikasının Nazirlər Kabineti 2020-ci ilin Azərbaycan Respublikasında “Könüllülər ili” elan edilməsinə dair tədbirlər planını bir ay müddətində hazırlayıb Azərbaycan Respublikasının Prezidentinə təqdim etsin.

İlham Əliyev
Azərbaycan Respublikasının Prezidenti
Bakı şəhəri, 30 dekabr 2019-cu il.

            Prezident İlham Əliyevin 2020-ci ilin Azərbaycanda “Könüllülər ili” elan edilməsi haqqında Sərəncam imzalaması dövlət başçısının ölkəmizdə könüllülük hərəkatına verdiyi yüksək dəyərin nümunəsidir. Bu sərəncam gənclərin fərdi inkişafına, onlarda sosial məsuliyyət hissinin yüksəlməsinə təkan verəcək, gəncliyin potensialından xalqın rifahı və ölkənin dayanıqlı inkişafı üçün səmərəli istifadə edilməsinə şərait yaradacaqdır.
              Könüllülük insanları vahid niyyət ətrafında birləşdirən, vətəndaş, cəmiyyət və dövlətin birgə fəaliyyətinin ən uğurlu formatıdır. Könüllülük həm də vətənpərvərlik məktəbi, öz xalqına, dövlətinə, milli-mənəvi dəyərlərə bağlılıq və xidmət örnəyidir.
              Cənab Prezident İlham Əliyevin 2019-cu il fevralın 1-də Azərbaycan Gəncləri Gününə həsr olunmuş Respublika toplantısındakı çıxışında dövlət orqanlarının qarşısına qoyduğu vəzifələrə uyğun olaraq Neftçala rayonu İcra Hakimiyyəti ölkədə gənclər arasında könüllülük fəaliyyətinin daha geniş təşviq edilməsi ilə bağlı qarşıya qoyulmuş vəzifələrə uyğun olaraq bu gün də fəaliyyətini uğurla davam etdirir. Neftçala rayonu İcra Hakimiyyəti bu sahədə fəaliyyətini Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə əlaqələndirməklə həyata keçirir. Qeyd edək ki, ötən il ərzində ümumilikdə Rayon İcra Hakimiyyətində könüllü kimi fəaliyyət göstərmiş və fəaliyyətlərini uğurla başa vurmuş 18 gəncə  sertifikatlar təqdim edilmişdir. Məlumat üçün bildirək ki, həmin 18 gəncin 11 nəfəri oğlan, 7 nəfəri isə qız olmuşdur.